Wafdiga oo u Tagay Kuwait in ay ka qeybgalaan Shirweynaha 2-aad ee Dhaqaalaha, Ganacsiga iyo Maalgashiga wadamada Carabta iyo Turkiga ayaa waxaa Garoonka ku soo dhaweeyay Mas’uuliyin sar sare oo ka soday Wasaaradda Ganacsiga iyo Warshadaha Kuwait, Safiirka Soomaaliya ee Kuwait Mudane Cabdulqaadir Amiin Sheikh iyo diblomaasiyiin kale oo ka tirsan Safaaradda Jamhuuriyadda Soomaaliya ee Kuwait.
Wafdiga Wasiirka ayaa loo dhaadhiciyay Hotel Sharaton oo uu maalin kadib ka furmi doono Shir weynaha Ganacsiga Dalalka Carbeed iyo Turkiga.
Inta uu shirku socdo waxaa la filayaa in uu la kulmo Wasiirka Ganacsiga Kuwait iyo Wasiiradda Ganacsiga Dalalka Imaaraadka, Saudi Arabia, Turkiga iyo Cumaan oo ah dalalka ay Soomaaliya Ganacsiga wadaagaan.
Waxa iyana meesha ka marneyn in ganacsatada balaaran ee Carbeed ee Shirka imaaneysa loogu baaqo in ay maalgashtaan Soomaaliya.
Danjiraha Soomaliya ee Kuwait, ahna hormuudka Safiirada Carbeed ee Kuwait ayaa isaguna kaalin muuqata ka cayaaraya dadaalada lagu doonayo in lagu xoojiyo Iskaashiga dhaqaalaha iyo Ganacsiga Carabta iyo Turkiga.
