Wasiirka Wasaaradda Ganacsiga iyo Warshadaha ee xukuumadda Soomaaliya Mudane Cabdiraxmaan Cabdi Cismaan ayaa sheegay in loo baahanyahay in lala xisaabtamo Ganacsatada dalka keeneysa waxyaabaha aan tayada lahayn, si muwaadiniinta ay u helaan maskax fiyow oo ay kaga fiir karaan aayahooda.
Wasiirka ayaa hoosta ka xariiqay in Wasaaradda ay diyaar u tahay inay gacan ka geysato sidii aan dalka loo keeni lahayn wax aan tayo lahayn, isagoo ganacsatada ugu baaqay inay ka fekaraan sidii ay dalka u keeni lahaayeen wax tayaysan.
Related posts
โShacabka waxa ay xaquuqdooda ku heli karaan inay bixiyaan canshuurta, haddii aad canshuurta bixisaan, waxaad helaysaa amni, cadaalad, waxbarasho iyo caafimaad, shacabka waxaan ka codsanayaa inay bixiyaan wixii qidmo ah ee loogu talagalay, lana raaco siyaasadda ay dowladda u jaangooysayโ ayuu yiri Wasiirka cusub ee Wasaaradda Ganacsiga Mudane Cabdiraxmaan Cabdi Cismaan
Mudane Cabdiraxmaan Cabdi Cismaan ayaa dhanka kale sheegay inay tixgelinayaan cabashada ku aadan warqadda ogolaanshiyaha ganacsiga, isagoo xusay in arritaas ay hortaallo golaha Wasiirada, isla markaana laga soo saari doono warqad cad oo qeexeysa qidmadda laga qaadanayo ruqsadda ganacsi.
โWasaaradda Ganaciga waxa ay laf dhabar u tahay Wasaaradaha Kheyraadka oo dhan, maanta waxaa dadaal sameeyay Rugta Ganacsiga Soomaaliyeed oo xoolaha Soomaaliyeed u iibgeeyay dalka dibadiisa, meesha waxaa ka maqan kaalintii dowladda, waana buuxineynaa, waxaan ganacsatada Soomaaliyeed ugu baaqaynaa inay maalgeshi ku sameystaan dalkoodaโ ayuu yiri Wasiirka Ganacsiga iyo Warshadaha Soomaaliya.
