Wasiirka Ganacsiga iyo Warshadaha Xukuumadda Federaalka Soomaaliya Hon. Jibril Abdirashid Haji , ayaa maanta furay shirkii ugu horreeyey ee ay wada-yeeshaan Wasaaradda Ganacsiga iyo Warshadaha heer Federaal, Wasaaradaha Ganacsiga iyo Warshadaha heer Dawlad Goballeed iyo hay’adda Tayo-dhowrka Soomaaliyeed kaas oo loogga hadlaayey hir-gelinta hal-beeg midaysan iyo shahaado dunida laga aqoonsan yahay si kor looggu qaado ganacsiga aynu u dhoofinno suuqyada ganacsi ee Caalamka.
Shirka oo ka qabsoomay magaalada Muqdisho sidoo kale na socon doona muddo laba maalmood ah, ayaa marti-qaadkiisa uu lahaa Wasiirka Wasaaradda Ganacsiga iyo Warshadaha Hon. Jibril Abdirashid Haji, waxaana ujeedkiisu daarnaa is-barasho, is-xog-waraysi iyo weli ba sidoo kale hir-gelinta hay’adda Tayo-dhowrka Soomaaliyeed oo dhawaan si rasmi ah xafiisyadeeda loogga hir-gelin doono gudaha dawlad goballeed yada si loo hubiyo tayada badeecadaha dalka soo gelaya, kuwa la dhoofiyo iyo kuwa lagu isticmaalo gudaha Soomaaliya.
