Wasiirka Wasaaradda Ganacsiga iyo Warshadaha Xukuumadda federaalka Soomaaliya iyo wafdi uu hoggaaminayo ayaa maanta u Amba baxay dalka Talyaaniga si ay uga qayb galaan Bandhig Carweed ka socda dalkaas kaasi oo lagu soo bandhigi doono hidaha uu dalwalibo caank ku yahay.
Bandhig Carweedkaan oo uu furitaankiisii hore ka qayb galay wasiirka Ganacsiga iyo warshadaha xukuumadda Soomaaliya ayaa socday Muddo lix bilood ah waxaana intii uu socday lagu soo bandhigay Hidaha iyo dhaqanka uu dalwalibo Caanka ku yahay.
Wasiirka ganacsiga iyo warshadaha Xukuumadda Federaalka Soomaaliya Mudane Cabdiraxmaan Cabdi Cismaan ayaa sheegay in muddo shan iyo labaatan sano kaddib Soomaaliya ay bandhig Carweedkaan ka qayb galayso taas uu tilmaamay in sababteeda ay tahay ganacsiga Soomaaliya oo kor u gacay.
“sidaan horay idin kuugu sheegay waaye waxaan u soconnaa bandhig carweed lagu qaban doono dalka talyaanig, waa markii ugu horreeysay oon bandhiggaas ka qayb galno, waxaana suurto galka dhigay taa dhaqaalaha Dowladda oo kor u kacsameeyay” Ayuu yiri wasiirka ganacsiga Cabdiraxmaan Cabdi Cismaan.
Guddoomiyaha Rugta Ganacsiga iyo Warshadaha Mudane Maxamuud Cabdi Cali Gabayre ayaa sheegay in Shantii Sanaba mar bandhig Carweedkaan la qabto isagoo intaa ku daray in sadexda Bishaan bandhig carweedkaas lagu soo Bandhigi doono Astaanta qaranka.
Wafdiga uu hoggaaminayo wasiirka ganacsiga ee maanta u Amba baxay dalka Talyaaniga ayaa hor u dhac u ah wafdi uu hoggaamin doono Madaxweynaha Jamhuuriyadda oo gaari doona dalka Talyaaniga si ay uga qayb galaan bandhig Carweedkaas.
