Wasaaradda Ganacsiga iyo Warshadaha Xukuumaadda Federaalka Soomaaliya oo wada olalaha “Hal dollar ku xoreey dalkaaga” ee lagu taageerayey lagu na garab istaagayey Ciidanka Xoogga Dalka Soomaaliyeed ee dagaalka kula jira Khawaarijta, ayaa maanta mar kale deeq taakulo ah oo Kaluun/Malaay ah gaarsiisay xarunta Hoggaanka Saadka iyo Taakulaynta ee Ciidanka Xoogga dalka Soomaaliyeed taas oo looggu talo-galay Ciidamada ka dagaalamaya furamaha hore.
Wasiirka Ganacsiga iyo Warshadaha Xukuumadda Federaalka Soomaaliya Xildhibaan Jibril Abdirashid Haji Abdi, Wasiir ku xigeenka Wasaaradda Xildhibaan Osman Mohamed Abdi (Daallo, iyo Agaasimaha Guud Mudane Mohamed Saney Dalmar oo deeqdan gaarsiiyey Ciidanka Xoogga Dalka Soomaaliyeed, ayaa si rasmi ah ugu wareejiyey Madaxa hoggaanka Saadka iyo Taakulaynta ee Ciidanka Xoogga dalka Soomaaliyeed Sharmaarke Cali Afrax.
Wasiir ku-ku-xigeenka Wasaaradda Xildhibaan Osman Mohamed Abdi (Daallo) Ayaa yiri “Waan sii wadi doonna ka Wasaarad ahaan,waana inaga go’an tahay sii wadida taageeridda iyo garab istaaga Ciidanka Qalabka sida ee dagaalka kula jira khawaarijta isla mar ahaantaana ay hay’adaha Dawladda, ganacsatada iyo shacabka Soomaaliyeed waxaan ugu baaqayaan inay ka soo qeyb qaataan taageeridda halganka.
Wasiirka Ganacsiga iyo Warshadaha Xildhibaan Jibril Abdirashid Haji Abdi Ayaa yiri ” Way habbooneed inaan bilaawno ololahii lagu garab istaagayey Ciidanka Xoogga dalka Soomaaliyeed, Sababtoo ah waa waajib inna wada saaran taageeridda Halganka socda iyo in dalka laga xoreeyo Khawaarijta,”.
” Waxaan ugu baaqayaa ganacsatada iyo guud ahaan shacabka Soomaaliyeed inay soo garab istagaan istaagaan Ciidanka Xoogga dalka Soomaaliyeed ee dagaalka kula jira Khawaarijta” Ayuu yiri Wasiirka Ganacsiga iyo Warshadaha XFS Xildhibaan Jibril Abdirashid Haji Abdi,
Madaxa Hoggaanka Saadka iyo Taakulaynta Ciidanka Xoogga dalka Soomaaliyeed Sharmaarke Cali Afrax oo ugu dambayn halkaas ka hadlay, ayaa yiri ” Waan boggaadinayaa dedaalka ay Wasaaradda Ganacsigu ku bixinayso taageeridda Ciidanka Xoogga dalka Soomaaliyeed, oo uu xusay inay tahay markii labaad ee ay soo gaarsiiyaan deeq raashin ah, Waan ugu mahadceliyaaa Taakulaynta ay u garteen ciidanka jiida hore jiraan, Waana inay ku daydaan Hay’adda Dowladda”.Ayuu yiri Sharmaarke Cali Afrax.
