Wasiirka Ganacsiga iyo Warshadaha Xukuumadda Federaalka Soomaaliya Mudane Jibriil Cabdirashiid Xaaji Cabdi, ayaa boggaadiyey halganka ciidamada geesiyaasha ah ee qaranku ay dalka kaga ciribtirayaan Khawaarijta dhiigyo cabka ah ee Al-Shabaab. Wuxu si gaar ah u amaanay hoggaminta Madaxweynaha Qaranka Mudane Xasan Sheekh Maxamuud iyo Ra’iisul Wasaare Xamsa Cabdi Barre ee la dagaalanka Argagaxisada.
Wasiirka, ayaa wuxu ganacsatada Soomaaliyeed ugu baaqay inay adkaysi u yeeshaan wejiga labaad ee halganka isaga oo ku amaanay sidii geesinimada lahayd ee ay u taageereen uga na qeyb qaateen wejigii hore ee lagu la dagaalamayey Khawaarijta oo ahaa mid lagu guulaystay kaas oo lagu xoreeyey deegaano badan sidoo kale na lagu badbaadiyey lacago Malaayiin dollar ah oo ay si baad ah u qaadan jireen Khawaarijtu.
Wasiir Jibriil Cabdirashiid Xsaji Cabdi, wuxu Ganacsatada iyo shacabka Soomaliyeed ba ugu baaqay inay garab istaagaan ciidamada geesiyaasha ah, waxaana uu muujiyey in halganka maanta socdaa uu yahay mid xaq ah oo taabanaya jiritaanka umadnimo iyo masiirka dawladnimo ee dalka isla-mar-ahaantaana ay qof walba waajib ku tahay taageeridda halganka iyo garab istaaga ciidamadeena geesiyaasha ah.
