Wasiirka Ganacsiga iyo Warshadaha Xukuumadda Federaalka Soomaaliya Eng Cabdullaahi Cali Xasan oo shir jaraa’id ku qabtay xafiiskiisa ayaa uga digay ganacsatada in qiimo sare ay iibiyaan qalabka looga gaashaanto faafidda Cudurka Coronavirus, iyaga oo faa’iido ka raadinaya saameynta cudurkaasi.
Wasiirka ayaa sheegay in Dawladda Soomaaliya ay diyaar garow ugu jirto ka hor-tagga saameynta dhaqaale ee uu cudurka Coronavirus keeni karo, isaggoo Ganacsatada ugu baaqay inay waajib iska saaraan daryeelka Bulshad, isla markaana uga digay inay sare u qaadaan qiimaha lagu iibsado waxyaabaha lagama maar maanka u ahay in looga gaashaanto faafidda caabuqa Coronavirus.
