Wasiirka Garsoorka iyo Diinta ee Hirshabeelle Mudane Cabdiqaadir Cismaan Cabdisalaan Kheyraat ayaa ugu horey ka hadlay qorshayaasha horyaalla, isagoo Alle ka baryay in uu u fududeeyo xilka loo dhiibay.
Mudane Cabdiqaadir Cismaan Cabdisalaan Kheyraat oo wareysi gaar ah siiyay Radio Muqdisho ayaa xusay in uu ku dadaali doono sidii bulshada ay u heli lahaayeen adeeg garsoor oo cadaalad ku dhisan.
“Waxaan dareemayaa inaan qaaday mas’uuliyad aad u weyn, waxaan Alle ka baryayaa in uu nagu guuleysiiyo howshan, marka loo eego xilka la ii dhiibay waa xil culus, waana awoodda saddexaad ee dowladda, waxaana ka shaqeyn doonaa in bulshada ay ku kala baxaan garsoorka oo ay ku noolaadaan Cadaalad” ayuu yiri Wasiir Cabdiqaadir Kheyraat.
Wasiirka Garsoorka iyo Diinta ee Dowlad goboleedka Hirshabeelle ayaa tilmaamay in Ummadda ay wax badan kala tirsanayaan, loona baahanyahay in si cadaalad ah loogu adeego, waxaana uu intaa ku daray in uu xoogga saari doono hirgelinta adeegga garsoorka ee Hirshabeelle.
Halkan ka dhageyso wareysiga Wasiirka Garsoorka
