Wasiirka Wasaaradda Haweenka iyo xuquuqul insaanka Sahro Cali Samatar oo howlo shaqo u joogta Mareykanka ayaa magaalada Minneapolis ee gobolka Minnesota waxaa si weyn ugu soo dhaweeyay Jaaliyadda Soomaaliyeed ee ku dhaqan magaaladaasi, iyagoo xaflada soo dhaweyn ah u sameeyay Wasiirka.
Jaaliyadda Soomaaliyeed oo u muujiyay wasiirka haweenka iyo Xuquuqul insaanka soo dhaweyn balaaran ayaa waxa ay sheegeen dadkii ka hadlay xafladda soo dhaweynta ah in ay ku faraxsanyihiin howlaha wasaaradda haweenka ay wado, waxaana ay u balanqaadeen wasaaradda in ay si toos ula shaqeyn doonaan.
Wasiirka Haweenka iyo Xuquuqul insaanka Sahro Cali Samatar oo la hadashay jaaliyada Soomaaliyeed ee xafladda u sameeyay ayaa waxa ay sheegtay in ay aad ugu faraxsantahay soo dhaweynta loo sameeyay, waxaana jaaliyada ay ku boorisay in ay ka qeyb qaataan dib u dhiska iyo horumarinta dalka, waxaana ka wasaarad ahaan ay u balan qaaday in ay xoojinayaan howlaha laga sugayo.
Xafladda kaddib ayaa waxaa wasiirka haweenka ay la hadashay warbaahinta Qaranka, iyadoo faah faahin ka bixisay safarka ay ku joogto Mareykanka oo ay sheegtay in ay ka qeyb gashay shir ku saabsan xuquuqda haweenka oo looga hadlay arrimo la xiriira horumarinta haweenka, waxaana sidoo kale ay sheegtay in masโuuliyiin ka socotay wadamada caalamka ay kala hadashay horumarinta haweenka Soomaaliyeed.
