Wasiirka Wasaaradda Hawlaha Guud, Dib u dhiska & Guriyeynta XFS Dr. Cilmi Maxamuud Nuur ayaa magaalada Nairobi ka furay shirka Guddiga Hagista Mashruuca Isku-xirka Kaabayaasha Dhaqaalaha Geeska Afrika (Somali Horn of Africa Infrastructure Intregration Project) SHIIP.
Shirka oo ay kasoo qayb galeen Wasiirada Wasaaraddaha Hawlaha Guud & Dib u dhiska ee Maamul Goboleed, Masuuliyiin ka socda Wasaaradda Hawlaha Guud XFS, Maareeyaha Mashruuca iyo Hawl wadeenada mashruuca SHIIP.
Shirka ayaa inta uu socdo waxaa looga wada hadli doonaa waxyaabihii u qabsoomay mashruuca sanadkii hore, Qorshaha sanadkan cusub iyo Dar-dar gelinta guud ahaan shaqooyinka mashruuca horyaalla ee daraasadaynta iyo naqshadaynta jidadka qaybta ka ah mashruuca Isku-xirka Kaabayaasha Dhaqaalaha Geeska Afrika (SHIIP).
Shirka Guddiga Hagista Mashruuca Isku-xirka Kaabayaasha Dhaqaalaha Geeska Afrika ee Soomaaliya (SHIIP) ayaa socon doona muddo saddex maalmood ah.
