Wasiirka Wasaaradda dhallinyarada iyo ciyaaraha Xukuumadda Federaalka Soomaaliya Mudane Maxamed Barre Maxamuud iyo wafdigii uu hoggaaminayay ee magaalada Dubai ee Isutagga Imaaraatka Carabta u joogay ka qayb-galka shirweynaha horumarinta dhallinyarada ayaa maanta booqday Safaaradda Soomaaliya ee Imaaraatka Carabta, waxaana halkaas ku soo dhoweeyay Danjire Axmed Daahir Maxamed safiirka UAE inoo fadhiya oo Wasiirka iyo wafdigii la socday warbixin ka siiyay hawlaha Safaaradda.
Danjiraha ayaa Wasiirka la wadaagay heshiisyada iskaashi ee ka dhaxeeya dalkeenna iyo Imaaraatka Carabta ee looga faa’iidayn karo dhallinyarada Soomaaliyeed, gaar ahaan kuwa la xiriira shaqo abuurka, horumarinta Isboortiga iyo in la sahlay isu socodka labada dal oo dhowrkii sano ee la soo dhaafay ay caqabado ka jireen.
Bishii hore ayay ahayd markii Wasiir Maxamed Barre Maxamuud iyo danjiraha Imaaraatka Carabta u qaabilsan dalkeenna Amb Ahmed Jumaa Mohamed ay kulan ku yeesheen Caasimadda Muqdisho si la isaga kaashado horumarinta dhallinyarada oo labada dal is-waydaarsadaan khibradaha xagga horumarinta dhallinyarada maadaama dalka Isutagga Imaaraadka Carabta uu ka mid yahay dalalka horumarka muuqda ka sameeyay awoodsiinta dhallinyarada iyo ka qaybgelintooda siyaasa
