Wasiirka Kalluumaysiga iyo Kheyraadka badda Xukuumadda Soomaaliya Mudane Maxamed Cumar “Ceymooy” ayaa sheegay in Wasaaradda ay waddo qorshe lagu Hormarinayo wax soosaarka kalluunka kujira badda iyo Horumarinta tayada xirfadlayaasha ku shaqyasta wax soo saarka badda. Wasiirka ayaa yiri
“Wasaaradda kalluumaysiga iyo Kheyraadka badda waxay bilowday Horumarinta tayada shaqaalaha iyo sida loo heli garo Doonyo tayo leh oo ay xirfadd layaasha uga faa iidaystaan kheyraadka baddeena”
Sidoo kale Wasiirka kalluumaysiga iyo kheyraadka badda Xukuumadda Soomaaliya ayaa sheegay in hay’adda QM midoobay u qabilsan Horumarinta Cunnada iyo Beeraha ay kala hadleen Horumarinta shaqaalaha Wasaaradda iyo keenista qalab tayo leh oo loo adeegsado wax soosaarka kalluunka iyo kheyraadka badda kujira.
“waxaa mudooyinkaan wadnay kulamada aan la qaadanayno hay’adaha ka howlgala dalka ee qaabilsan Arrimaha Horumarinta waxaan dhawaan kulan la qaadanay Mas’uuliyiin ka socotay hay’adda QM midoobay U qaabilsan Cunnada iyo Beeraha ee “FOA” waxaan kala hadlay Tababar siinta shaqaalaha Wasaaradda iyagoo ii balan qaaday in Tababarro gudaha iyo dibadda la sii doono shaqaalaha Wasaaradda kalluumaysiga iyo Kheyraadka badda sidookale waxa ay balan qaadeen keenista qalab casri ah oo la siin Doono xirfadd layaasha ku shaqaysta Arrimaha wax soosaarka kalluunka” ayuu yiri wasiir “Ceymooy”
Ugu dambayn Wasiirka kalluumaysiga iyo Kheyraadka badda mudane Maxamed Cumar “Ceymooy” ayaa dhammaan Xirfadd layaasha dhinaca kalluunka ku dhiiri geliyay in ay sii wataan Shaqada ay bulshada u hayaan si looga faa iidaysto wax soosaarka kalluunka iyo kheyraadka kale ee badda kujira, Dhallinyarada Soomaliyeed ee shaqa la,aanta hayso iyo kuwa la qalday ayuu ugu baaqay in ay ka faa iidaystaan barashada wax soosaarka kheyraadka dalkooda.
