Mas’uuliyiintani ka socday hay’adda Qaramada Midoobay u qaabilsan Cuntada iyo Beeraha ee magaceedda loo soo gaabiyo FAO oo uu hogaaminayey REEAD Madaxa horumarinta Kalluumaysiga u qabilsan hay’addaasi ayaa kulan looga hadlayay horumarinta wax soo saarka kheyraadka badda Soomaaliya xafiiskiisa kula qaaday Wasiirka Wasaaradda Kalluumaysiga iyo Kheyraadka Badda ee Xukumadda Federalka Soomaaliya Mudane Maxamed Cumar Caymooy , waxaana goob joog ka ahaa Agaasimaha guud Wasaaradda Mudane Axmed Maxamed Iimaan iyo la taliyeyaasha Wasiirka.
Mudane Maxamed Cumar Caymooy Wasiirka Wasaaradda Kallumaysiga iyo Kheyraadda Badda Soomaaliya ayaa mas’uuliyiinta hay’adda FAO kala hadalay sidii ay gacan kaga siin lahayd Wasaaradda tayeynta shaqalaha wasaradda, gaabka lagu kaydiyo Kaluunka,Doonyaha yar yar Kaluumasysiga si dad ka Soomaaliyeed ay kaga faa’iidaystaan kheyraadka ku jira dalkeena iyo qodabo kale oo kaalin ka qadan kara wax soo saarka kheyraadka badda.
Wasiirka Wasaaradda Kalluumaysiga iyo kheyraadka badda ee Xukuumada Federalka Soomaalia Mudane Maxmaed Cumar Caymooy oo la hadlay warbaahinta Qaranka markii kulankaasi oo gaban gaboobay ayaa shegay in xubnaha ka socday hay’adda Qaramada Midoobey u qabilsan Cuntada iyo Beeraha ay u balan qaadeen in ay gacan ka siin doona dhamaan waxyabihiin ay kala hadleen.
Kulankani maanta Wasiirka Wasaaradda Kallumaysiga iyo kheyraadka badda ee Xukuumada Federaalka Soomaaliya Mudane Maxmaed Cumar Caymooy hay’adda FOA ayaa qayb ka ah qorshaha Wasiirku uu ku doonayso horumarinta wax soo saarka kheyraaddaka badeena.
