Wafdi uu hogaaminayey Wasiirka Kalluumeysiga Xukuumadda Federaalka Soomaaliya ayaa maanta gaaray deegaanka Laas-gacameey ee Koofurta Gobalka Mudug oo laga xoreeyey Khawaarijta ku dhibateen jireen dadka shacabka ah ee ku nool Deegaankas.
Wafdiga Wasiirka ka mid ahaa lataliyaha xiriirka Baarlamaanka ee Madaxweynaha Jamhuuriyadda Soomaaliya mudane Sakariye Xasan Gaashan, Xildhibaanno iyo saraakiil Ciidan uu hogaaminayey Taliye ku-xigeenka ciidanka Lugta Soomaaliya.
Mas’uuliyiinta ayaa kormeeray fariisimaha ciidanka, waxayna ku amaaneen sida ay ugu taaganyihiin ciribtirka Khawaarijta
Wasiirka Kalluumaysiga Xukuumadda Federaalka Soomaaliya Mudane Axmed Xasan Aadan oo la hadlay saraakiisha iyo ciidankii xoreeyey deegaankii ay tageen ayaa u sheegay in ka dowlad ahaan ay diyaar u yihiin garab istaaga ciidanka iyo shacabka iska kaashaday sidii Khaawarijta looga xoreyn lahaa Mudug
Maalmahaan deegaannada Galmudug waxaa ka socda howlgallo lagu sifaynayo Khawaarijta.
