Wasiirka maaliyadda Galmudug Farxaan Cali Maxamuud ayaa magaalada Dhuusamareeb ka daah-furay Xafiiska dakhliga Caasimadda oo ka shaqeynaya soo uruurinta iyo xisaabinta dakhliga Canshuuraha waana xafiiskii labaad ee Wasaaraddu ku yeelato xarunta caasimadda.
Xafiiskan oo hoostagaya Wasaaradda maaliyadda Galmudug waxa uu qaban doonaa daqliga ka soo xarooda magaalada Dhusamareb ee Caasimada Galmudug, waxaana ka howlgalaya shaqaale loo carbiyay shaqada Xafiiskaasi.
Wasaaradda Maaliyadda Galmudug ayaa Bilihii la soo dhaafay deegaannada Galmudug waxa ay ka hirgalinaysay xafiisyada la socodka iyo dabagalka Canshuur qaadista, taas oo kor u qaadaysa hannaan Maaliyadeedka ee Galmudug.
