Wasiirka Maaliyadda ee Xukuumadda Federaalka Soomaaliya Mudane Cabdiraxmaan Ducaale Beyle ayaa maanta xafiiskiisa ku qaabilsay Agaasimeyaasha iyo Tifatirayaasha Warbaahinta dowladda iyo kuwa madaxa bannaan.
Wasiirka Maaliyadda ayaa bartiisa ku qoray in kulanka uu la qaatay madaxda Warbaahinta ay uga wada hadleen horumarka dhaqan dhaqaale ee ay xukuumaddu ku talaabsatay, xoojinta doodaha wacyigelinta bulshada, daah furnaanta iyo dowlad wanaagga.
Wasiir Beyle ayaa yiri “Waxaan isdhaafsannay su’aalo iyo jawaabo ku saabsan horumarka laga sameeyay dhaqaalaha dalka, caqabadaha jira, sidii loo xalin lahaa iyo dhammaystirka hannaanka deyn cafinta Soomaaliya” ayuu yiri Wasiirka Maaliyadda ee Xukuumadda Soomaaliya.
“Waxaa kale oo aan si faahfaahsan uga jawaabay su’aalo ku saabsanaa kabka Miisaaniyadeed ee ay nagu taageeraan midowga yurub (European Union Budget Support) iyo sida ay noola shaqeeyaan Bangiga Adduunka (World Bank), Bangiga Horumarinta Afrika (African Development Bank) oo kaalin firfircoon ka qaata horumarinta dalka, IMF iyo Hay’adaha kale ee Soomaaliya caawiya” ayuu Wasiir Beyle hadalkiisa ku daray.
Ugu dambeyn kulanka Wasiirka Maaliyadda ee Xukuumadda Federaalka Soomaaliya Mudane Cabdiraxmaan Ducaale Beyle iyo Agaasimeyaasha Warbaahinta dowladda iyo kuwa madaxa bannaan ayaa lagu heshiiyay in laga wada shaqeeyo wixii dalka dib-u-dhiskiisa faaโiido u keenaya.
