Wasiirka Maaliyadda ee Xukuumadda Federaalka Soomaaliya Dr Cabdiraxman Ducaale Beyle ayaa sheegay in aysan cid gaar ah u xirnayn keenista Qaadka iyo ka ganacsigiisu.
Wasiirka oo Warbaahinta kula hadlay xafiiskiisa ayaa xusay in loo simanyahay ka gacsiga Qaadka oo aysan jirin cid gaar ah oo ay dowladda u xilsaartay.
โWaxa aan maanta saxaafadda iyo bulshada Soomaaliyeed la wadaagay arinka ku saabsan Qaadka (Jaadka) oo cabashooyinkiisa aan ka ku dhex arkay Baraha-Bulshada, waxa aan Ummadda Soomaliyeed u xaqiijinayaa in aysan jirin cid ay Dowladdu si gaar ah ugu xirtay keenista Qaadka.โ Ayuu yiri Wasiir Beyle.
Wasiirka Maaliyadda ee Xukuumadda Soomaaliya ayaa tilmaamay in bulshada looga baahanyahay inay u hogaansamaan sharuucda dalka u degsan.
โWaxaa muhiim ah in dhamaan sharciga aan u wada hogaansano, sidoo kale cid walba oo cabasho qabta xafiiskayga waa uu u furan yahay.โ Ayuu Wasiirka Maaliyadda hadalkiisa ku soo koobay.
