Wasiirka maaliyadda Maxamed Aadan Fargeyte ayaa sheegay in dowladda Soomaaliya ay dadaal ugu jirto sidii looga cafin lahaa daymaha looga leeyahay dibadda, ayadoo la keeshanaysa hayโadda lacagta adduunka ee IMF.
โAnnaga (Soomaaliya) waxaa la inagu leeyahay deymo gaaraya 5.4 Biylan oo doollar oo la qaatay xilligii dowladdii hore, dulsaar badana uu koray, waxaan u baahannahay deymahaas in la inaga cafiyoโ ayuu yiri Wasiirka oo sheegay in hayโadda IMF ay kala shaqeyneyso arrintaas haddii ay dowladdu marto hannaanka lagu gaaro in dal laga cafiyo deymo lagu leeyahay.
Related posts
Sidoo kale IMF ayaa dowladda Soomaaliya kala shaqeyneysa in la xoojiyo qiimaha shilinka Soomaaliga oo muddooyinkii la soo dhaafay tayo ahaan iyo qiimo ahaanba hoos u dhac ku yimid.
โWaxyaabaha kale ee ay IMF naga saacidayso waxaa ka mid ah dib u qaabeynta shilinka Soomaaliga iyo horumarinta Bangiga Dhexe iyo hannaanka maaliyadeed ee dalkaโ ayuu yiri mudane Fargeete oo hadal ka jeediyay mudaneyaasha baarlamaanka.
Xukuumadda ayaa sanadihii la soo dhaafay ku howlanayd hagaajinta hannaanka maaliyadeed ee dalka iyo horumarinta kaabeyasha shaqaalaha, ayadoo la kaashanaysa hayโadaha caalamiga ah ee horumarinta iyo dowlado kale.
