Wasiirka Wasaaradda Maaliyadda Xukuumadda Federaalka Soomaaliya Mudane Biixi Iimaan Cige ayaa Xildhibaannada Golaha Shacabka maanta warbixin ka siiyay sharciga Hanti-dhowraha Guud ee horyaal Golaha Shacabka BJFS
Wasiirka ayaa sheegay in sharciga Hanti dhowraha Guud uu wax badan ka baddali doono nidaamka Maaliyadeed iyo kor u qaadidda hufnaanta Maaliyadda dalka, waxa uu shegay in ay muhiim tahay in laga guuro Hanti dhowr hoos yimaado Xukuumadda, Xildhibaannadana ay tahay in ay ansixiyaan.
Wasiirka Maaliyadda ayaa sidoo kale su’aalo ay weydiiyeen Xildhibaannada oo ay kamid tahay saameynta sharcigan uu ku yeelanayo Hanti dhowraha jooga ayaa sheega in Hanti dhowraha uu ku joogo sharci la sameeyay 1972,, haddii sharcigaan la meel marinayana dalka isaga uu sharci u yahay, Wasiirka ayaa dhammaan ka jawabay su’alihii xildhibaanada ay ka weydiiyeen shacriga Hanti dhowraha Guud.
Kulanka Xildhibaanada oo wali socda ayaa maanta waxa ay Akharinta koowaad marsiiyeen shacriga Hanti dhowaraha, iyadoo dooda kadib ay go”aan ka gaari doonaan.
