Wasiirka Maaliyadda Xukuumadda Federaalka Soomaaliya Dr. Cilmi Maxamuud Nuur ayaa kulan mira dhal ah la qaatay madaxweynaha Bangiga Horumarinta Afrika Mr. Akinwumi Adesina.
Wasiirka iyo Mr. Akinwumi Adesina ayaa ka wada hadlay arrimo ay ka mid yihiin dhameystirka dib-u-habeynta Maaliyadda Soomaaliya iyo deyn-cafinta oo hadda meel wanaagsan maraya.
“ Waxa aan kulan miro-dhal ah la yeeshay madaxweynaha Bangiga Horumarinta Afrika Mr. Akinwumi Adesina oo aan ka wada hadalnay dhameystirka dib-u-habeynta Maaliyadda Soomaaliya iyo arrimaha deyn-cafinta oo hada meel wanaagsan innoo maraya,” ayuu yiri wasiirka.
Dowladda federaalka ayaa ku dadaaleysa gaaridda natiijada barta loo yaqaano “kama dambeynta deyn cafinta” taas oo la rajeynayo in la gaaro dabayaaqada sanadkan aan ku jirno ee 2023-ka.
