Wasiirka Maaliyadda Xukuumadda Federaalka Soomaaliya Dr Cilmi Maxamuud Nuur, ayaa maanta furay shirka deyn-cafinta ee u dhexeeya hey’adaha Dowladda oo Wasaaradda Maaliyadda ay hoggaan u tahay iyo Hey’adda Lacagta Bixiyaan ee kala ah IMF iyo Bangiga Adduunka.
Wasiir Cilmi, ayaa yiri “Shirkaan inta uu socdo waxa aan diiradda ku saaraynaa wixii innooga qabsoomay hannaanka dib-u-habeynta Maaliyadda sanadadii tagtay ee 2022 iyo hiigsigeena sanadkaan Cusub 2023 oo aan rajo wanaagsan ka qabno in aan gaarno barta kama dambeysta ah ee deyn-cafinta”.
Soomaaliya, ayaa soo kabasho ballaaran ka muujinayso dhanka dhaqaalaha,waxaana horusocod laga darreemayaa deyn-cafinta Soomaaliya,oo aheyd meesha laga cuuryaamiyay Soomaaliya. Wasaaradda Maaliyadda ayaa kaalin weyn ka qaadatay,habeenta Maaliyadda iyo deyn-cafinta,kor u qaadida dhaqaalaha dalka.
