Wasiirka Maaliyadda Xukuumadda Federaalka Soomaaliya, mudane Biixi Imaan Cige oo ku sugan magaalada Riyaad ee caasimadda dalka Sacuudi Carabiya ayaa kulan muhiim ah la qaatay dhiggiisa Wasiirka Maaliyadda dalka Sacuudiga mudane Maxamed Al-Jaddan.
Labada Wasiir ayaa ka wada hadlay hannaanka dib-u-habeynta Maaliyadda, qorshaha barnaamijka deyn cafinta kadib iyo horumarinta xiriirka dhaqaalaha ee laba dal.
Wasiirka Maaliyadda Dowladda Soomaaliya Mudane Biixi Imaan Cige ayaa magaaalada Riyaad uga qeyb galaya shirka sanadlaha ah ee dhaqaalaha dalalka Carabta iyo Afrika.
Wasiirka Maaliyadda Soomaaliya ayaa sidoo kale kulamo gaar ah la yeelan doono Masuuliyiinta ka qeybgalaya shirka.
