Wasiirka Maaliyadda Xukuumadda Federalka Soomaaliya mudane Cabdiraxmaan Ducaalle Beeyle ayaa soo dhaweeyay lacag dhan $55 milyan oo ah caawimaad loogu talagalay kabka Miisaaniyadda dowladda.
War-qoraal ah oo uu soo dhigay bartiisa facebuuga ayuu ku yiri sidatan.
“Waxa aan aad ugu faraxsanahay in Bangiga Adduunka uu ansixiyay in Soomaaliya la siiyo $55 milyan oo ah Caawimaad loogu talagalay kabka Miisaaniyadda, iyadoo lagu guda jiro xili adag”.
Wasiirka Maaliyadda Soomaaliya ayaa sidoo kale sheegay lacagtaan in ay ku muteeysteen Maamul wanaagga maaliyadda iyo hufnaanta dhaqaale ee ay ku talaabsatay dowladda Soomaaliya Sadexdii sanadood ee la soo dhaafay.
“Lacagtaan Deeqda ah waxa aan ku mutaysanay Maamul wanaagga Maaliyadda iyo Hufnaanta dhaqaale ee aan ku talaabsanay saddexdii sanadood ee la soo dhaafay”.
Waxaa muhiim ah in aan ku dadaalno sidii aan dakhliga dalkeena u sii kordhin laheyn anagoo kaashaneyna shacabka iyo Ganacsatadeena, ilaa iyo inta aan isku filnaasho ka gaari doono.
