Wasiirka wasaaradda Macdanta iyo Badroolka xukuumadda Soomaaliya ayaa kulan la qaatay Ciyaar yahannadii kala duwanaa ee u ciyaari jiray Wakaaladdii Badroolka Ummadda Soomaaliyeed.
Kulanka ayaa ahaa mid kala warqaadasho ah isla markaana looga tashanayay sidii loo soo celin lahaa Ciyaar yahannadii Wakaaladda Badroolka oo iminka la qorsheynayo inay ku ciyaaraan magaca Wasaaradda Macdanta iyo Badroolka.
Waiirka Macdanta iyo Badroolka Xukuumadda Federaalka Soomaaliya Mudane Maxamed Muqtaar Ibraahim ayaa bogaadiyay Hanaanka Ciyaar Toydaan ay ku doonayaan inay dib ugu soo celiyaan Ciyaarihii looga Bartay iyo sida ay u doonayaan in loo gacan siiyo.
Dhanka kale Wasiirka Macdanta Maxamed Muqtaar ayaa ka dalbaday Ciyaar yahannadaan inay iska soo dhex xulaan guddi ka shaqeeya dar-dar gelinta sidii ay markale u soo laaban lahayd kaalintii ciyaar yahannada Wakaaladdii Badroolka Soomaaliya.
