Wasiirka Batroolka iyo Macdanta ee Xukuumadda Federaalka Soomaaliya Mudane Maxamed Muqtaar Ibraahimy ayaa sheegay in ay wadaaan qorshe ay wax kaga qabanayaan sicir bararka iyo tayada Shidaalka, iyaga oo kaashanaya Gacanacsatada ay quseyso arrintaasi.
Waxa uu sheegay Wasiirka in Wasaaradda ay sidoo kale wado sharci ay ku hubineyso tayada Shidaalka, kaasi oo uu sheegay in uu wax badan uu ka tari doono Shidaalka tayadiisa ay xun tahay, lana xisaabtami doono cidkasta oo dalka soo gelisa shidaal tayadiisu hooseyso.
Mudane Maxamed Muqtaar ayaa dhankale ka hadlay halista ka imaan karta shidaalka lagu keydiyo meelaha aan ku habooneyn, arrintaasi oo uu sheegay in ay wax ka qabaneyso dowladda, iyada oo la tixgelinayo baahida Dadka ay noloshooda ku tiirsan tahay Shidaalka.
Hindise sharciyeedka Maareynta shidaalka oo ay soo diyaarisay Wasaaradda Macdanta iyo Bartroolka ayaa hadda horyaalla Barlamaanka Soomaaliya, kaasi oo maray akhrinta koowaad.
