Waxaa maanta magaalada Muqdisho soo gaarey Wasiirka magacaaban ee Wasaaradda arrimaha gudaha iyo Federaalka Xukuumadda Soomaaliya Cabdi Maxamed Sabriye, iyadoo siweyn loo soo dhaweeyey.
Garoonka diyaaradaha magaalada Muqdisho waxaa ku soo dhaweeyey Masโuuliyiin ka tirsan Golayaasha kala duwan ee Dowladda Soomaaliya, siyaasiin iyo guddoomiyaha maamulka Gobolka Banaadir ahna Duqa magaalada Muqdisho Taabid Cabdi Maxamed.
Related posts
Dhamaan siyaasiintii iyo masโuuliyiintii ka hadashey soo dhaweynta oo ay ka mid ahaayeen Guddoomiye Taabid Cabdi Maxamed, Prof Cali Maxamed Geedi iyo xubno kale ayaa waxaa ay alle uga baryeen in uu la garab galo xilkaasi loo dhiibay, iyagoo shacabka ugu baaqey in ay la shaqeeyaan Wasiirka cusub ee arrimaha gudaha.
Mudane Eng. Cabdi Maxamed Sabriye Wasiirka magacaaban ee arrimaha gudaha ayaa ka mahadceliyay sida wanaagsan ee loo soo dhaweeyey, wuxuuna ka codsaday bulshada Soomaaliyeed in ay ka caawiyaan sidii uu ugudan lahaa waajibaadka loo igmaday.
โIntaan oo dad ah markii ay ku soo hor istaagana waa xaqiijo ah ayaa jira oo ay ka filayaan, illaahay ayaan ka baryayaa in uu nagu guuleeyo, walaalyaal waan idinkaga mahadcelinayaa waqtigii cibaadada in aad igu soo dhaweysaan halkani, waxaan Alle ka baryayaa in aan haleelo waxa ay dadku iga filayaan, waxaan leeyahay qof dowlada iyo shaqsi wax maqabtaan hadii aan shacabka laga helin taageero, marka waxaan idinka codsanayaa in aad ila shaqeysaanโ, ayuu yiri Wasiirka magacaban ee arrimaha gudaha.
Raโiisul Wasaare Xasan Cali Khayre ayaa shalay xilkii ka qaday Wasiirada arrimaha gudaha, dibadda iyo Ganacsiga, isagoo u magacaabay Wasiiro cusub oo uu ka mid yahay Wasiir Cabdi Maxamed Sabriye.
SONNA
