Wasaaradda Maaliyadda Xukuumadda Federaalka ayaa sheegtay in Ahmiyadda koowaad ay siineyso mushaarka Ciidamada, iyada oo dhinaca kale sheegtay inuu wado qorshe ay kusoo nooleeneyso wasaaradda Shilinka Soomaaliga.
Wasiirka Maaliyadda Xukuumadda federaalka Soomaaliya Maxamed Aadan Ibraahim “Farkeeti” ayaa tilmaamay in wasaaradda ay markasta mudnaanta siindoonto xilliga bixinta mushaaraadka shaqaalaha Dowladda Ciidamada qalabka sida kuwaas uu tilmaamay in qaranka soomaaliyeed ay howl adag u hayaan.
“ Marna Looguma tala galin in mushaaraadka ciidamada dib loo dhigo waxyaabaha dib u dhaca keenay waxaa waaye ciidamadii oo loo baahday qaabka mushaaraadka loo siiyo in la Nidaamiyo Arrintaasna hadda meel wanaagsan ayay noo maraysaa” Ayuu yiri wasiir Farkeeti
Dhanka kale Wasiirka Maaliyadda Dowladda federaalka Soomaaliya ayaa sheegay in wasaaradda maaliyadda ay waddo qorshe lagu soo noo laynayo lacagta shilinga soomaaliga ah.
“wan ognahay in lacagta shilinga Soomaaliga uu aad u baaba ay isla markaana uusan shaqaynay Arrintaas marna annaga kama seexan” Ayuu markale yiri Wasiir farkeeti.
