Wasiirka Owqaafta iyo arimaha diinta ee xukuumadda Soomaaliya Mudane C/qaadir Sheekh Cali ayaa dalka boqortooyada Sacuudi Carabiya kulan kula yeeshay Xoghayaha guud ee ururka Islaamka aduunka Dr. Cabdullah bin Cabdulmuxsen Al-Turki.
Kulanka ay labada mas’uul wada yeesheen ayaa waxaa ku wehliyay qunsulka safaaradda Soomaaliya ee dalkaasi isla markaana ah madaxda howlaha Xajka ee Soomaalida Sheekh Xasan Maxamed Cabdi,
waxaana kulanka diirada lagu saray arrimo dhawr ah oo la xiriira taageerada ay soomaaliya ka hesho dalal islaamka iyo boqortooyada Sacuudiga iyo sidii loo sii amba qaadi lahaa dadaalada lagu caawinaayo dadka Soomaaliyeed.
Wasiirka ayaa u mahadceliyay Ururka islaamka iyo boqorka Sacuudiga sida uu ugu adeegaayo Islaamka iyo dadka muslimiinta ah maadaama uu yahay u adeegaha xarameynka, isagoo sidoo kale ku bogaadiyay taageerada ay Soomaaliya siiyaan boqotooyada Sacuudiga.
