Wasiirka Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Maxamuud Cabdiraxmaan Sheekh Faarax (Beenebeene) ayaa maanta kulan wax ku ool ah la yeeshay, Mudane Christopher Pycroft, Agaasimaha Horumarinta ee Safaaradda Ingiriiska ee Soomaaliya.
Labada mas’uul ayaa kulankooda waxa ay diiradda ku saareen xoojinta nidaamka isku-duwidda deeqaha iyada oo mudnaanta la siinayo mashaariicda horumarineed ee hortabinta u leh Dowladda Federaalka Soomaaliya.
Waxa ay sidoo kale ka wada hadleen sare u qaadista iskaashiga deeq-bixiyayaasha iyada oo loo marayo Kooxda Deeq-Bixiyayaasha Soomaaliya (Somalia Donor Groups), iyo hirgelinta Tirakoobka Dadweynaha iyo Guryaha.
