Shir caalami ah oo looga hadlayay kobcinta dhaqaalaha aduunka gaar ahaan qaarada afrika ayaa waxaa uu ka dhacay magaalada Cape Town ee wadanka Koonfur Afrika.
Shirka oo galay maalintii labaad ayaa waxaa ka soo qeyb galay madaxweynaha dalka Koonfur afrika Jacob Zuma , wasiirka wasaaradda qorsheynta iyo iskaashiga caalamiga ah ee soomaaliya Cabdiraxman Yuusuf Cali Ceynte,wasiiro ka socday qaarada afria iyo shirkado ckaalami ah kuwaas oo daneynayay in ay maal gashadaan waddamada qaarada afrika.
Shirkada master-card oo ka mid ahayd shirkadihii goobta ka hadlay ayaa shaacisay in ay maalgashi ku sameysay wadanka soomaaliya islamarkaana ay soomaaliya tahay meel nabdoon.
wasiirka wasaaradda qorsheynta iyo iskaashiga caalamiga ah ee dowlada soomaliya mudane C/raxmaan Yuusuf Cali Ceynte ayaa warbaahinta qaranka soomaaliyeed uga warbixiyay muhiimada uu shirkani u leeyahay dalka soomaaliya,isagoo yiri
”shirkaani waxaa uu ahaa madasha horumarinta dhaqaalaha aduunka waxana uu shirkani si gaar ah xooga loogu saarayay dhaqaalaha afrika,madaxda qaarada afrikana intooda badan waa isugu yimaadeen,mowduucuna waxuu ahaa sidee dhaqaalaha afrika loo horumarin karaa,maxay yihiin caqabadaha hortaagan iyo fursadaha ay heysato afrika. waxaa kaloo joogay shirkadaha waaweyn ee aduunka oo shirka u yimid inay sahmiyaan meelaha ay maalgashiga ku sameyn doonaan,anaga waxaa naga quseeyay shirkan oo farxad noo ahaa in mid ka mid ah shirkadaha waaweyn ee aduunka oo loo yaqaan Master-card oo bixisa kaararka caalamiga ah oo online-ka wax looga iibsado in ay madashada kaga dhawaaqday in ay soomaaliya maalgashi ku sameysay oo ay la shirkowday banki ku yaala soomaaliya,iyadoo bankigaasi markii ugu horeysay ay bixiyaan kaarar wata astaanta master-card ka si markaasi dadka soomaaliyeed ee wax heysta ay wax ugu iibsan karaan isla markaana suuqyada aduunka xariir ula yeelan karaan,laakin waxaa taas kasii muhiimsan waxa ay tahay marki shirkad tanoo kala ah ay ku dhawaaqdo in ay soomaaliya maal gashatay ,waxaa ku dayenayaa isla markaana ay wado u furmeysaa shirkadaha kale ee halkaan u yimid in ay helaan wadan ay maal gshadaan,hadana waxa ay arki karaan in soomaaliya tahay meel aan laga baqin ayna soo gaartay xiligii maalgashi lagu samaysan kari lahaa.
Shirkan ayaa waxaa la soo gabagabeyndoonaa maalinta berri ah,waxaana laga soo saari doonaa go’aamo ku aadan sidii wadamada afrika ee mudan maal-gashiga gacan loogu siin lahaa shirkadaha daneynaya in ay tagaan.
Cabdulaahi Ibraahim Dasar,Cape Town,South Africa
