Wasiirka Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Maxamuud Cabdiraxmaan Sheekh Faarax (Beenebeene) oo uu wehliyo Agaasimaha Waaxda Isku-duwidda Deeqaha, Mudane Cabdifataax Xasan Cismaan ayaa maanta kulan kula qaatay xarunta Wasaaradda wafdi ka socday Safaaradda Norway ee Soomaaliya oo uu hogaaminayay Sii-hayaha Safiirka, Mudane Carsten Carlsen, iyo Madaxa Iskaashiga Horumarinta, Mudane Erling Hess Johnsen.
Labada dhinac ayaa ka wada hadlay hawlaha hortebinta u leh Dowladda Federaalka Soomaaliya ee sanadkan 2024-ka ee ay dooneyso in mudnaanta la siiyo sida diyaarinta Qorshaha 10-aad ee Horumarinta Qaranka, dardargelinta Hannaanka deeqaha dalka iyo xoojinta xariirka u dhaxeeya Norway iyo Soomaaliya.
Wasiir Beenebeene ayaa uga mahadceliyay Dowladda Norway taageerada ay siiso shacabka iyo Dowladda Soomaaliyeed.
