Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Dr. Maxamed Cilmi Ibraahim, ayaa hambalyo ku aaddan munaasabadda maalinta Shaqaalaha Adduunka u diraya dhammaan Shaqaale weynaha Soomaaliyeed gaar ahaan Shaqaalaha Dowladda.
1-da May Maanta oo kale sanad walbo waxaa dunida looga dabbaal dagaa maalinta shaqaalaha adduunka,Taas oo ay soo martay marxalado kale in la asteeyo maalintaan Qaran ee shaqalaha u gaarka ah.
Shaqaaluhu waa halbowlaha howlwalbo oo socoto,Iyo mashiin kasto oo dhaqaaqo qofka dhaqaajiyo waa uun qof shaqaale ah.
Ururka Shaqaalaha Aduunka ee ILO waxaana xubin ka ah 186 wadan oo kamid ah 193 dal ee Qaramada Midoobay iyo hal Jaziirad, dhammaantood waxa ay qalinka ku duugeen in ay u hoggaansameen xeerarka ururkaan.
Soomaaliya ayaa ka mid ah dalalka ku jiray Ururka Shaqaalaha Aduunka ee ILO, iyada oo Wasaaradda Shaqada iyo Shaqaalaha Xukuumadda Federaalka Soomaaliya ay fasaxday dhammaan shaqaalaha Dowladda.
