RADIO MUQDISHO(LAASCAANO): Wasiirka Wasaaradda Waxbarashada, Hiddaha iyo Tacliinta Sare ee Dowladda Federaalka Soomaaliya Mudane Faarax Sheekh Cabdulqaadir ayaa si rasmi ah xarigga uga jaray xafiiska shahaadooyinka ee magaalada Laascaanood ee xarunta Maamulka SSC-Khaatumo.
Xafiiskan cusub ayaa noqon doona mid si weyn uga jawaaba baahida ardayda dhammeysatay heerarka kala duwan ee waxbarashada, isaga oo fududeyn doona helidda shahaadooyinka rasmiga ah ee ay bixiso Dowladda Federaalka Soomaaliya.
Xarig jarka xafiiskan ayaa waxa uu ka mid noqonayaa, mashaariicda horumarineed iyo xafiisyo dhawr ah oo maanta laga hirgeliyay magaalada Laascaano, kuwaas oo uu daahfuray Ra’iisul wasaaraha Xukuumadda Federaalka Soomaaliya Mudane Xamse Cabdi Barre, kadib markii uu shalay halkaasi gaadhay.
