Wasiirka Warfaafinta Dowlad Goboleedka Galmudug Axmed Shire Falagle ayaa sheegay in ciidamada Daraawiishta Galmudug oo kaashanaya ciidamada xoogga dalka ay jab xoogan u geysteen ย maleeshiyaadka argagixisada ah ee Al-Shabaab, isla markaana ciidamada ay howlgallo amni xaqiijin ah ka wadaan deegaanka Bacaadweyne iyo deegaananda kale ee ay ciidamada la wareegeen.
Mudane Axmed Shire oo la hadlay Radio Muqdisho ayaa sheegay in caawa ay si nabadgelyo ah ku joogaan ciidamada deegaannii ay saaka kala wareegeen dhagar qabayaasha Al-Shabaab, isagoo shacabka uga mahadceliyay sida ay ula shaqeeyaan ciidamada.
Related posts
โHowlgalkii saaka waxa uu ahaa mid qorsheysan oo ay iska kaashadeen Ciidamada xoogga dalka iyo kuwa daraawiishta Galmudug, waxaana ay ka bilaabeen deegaanka Bacaadweyne iyo deegaanno kale oo ku xeeran, halkaasi oo ay ciidamada si rasmi ah ula wareegeen oo cagta mariyay maleeshiyaadkii halkaasi ku sugnaaโ ayuu yiri Wasiirka Warfaafinta Galmudug.
Wasiirka Warfaafinta Galmudug ayaa beeniyay wararka sheegay in maleeshiyada Al-Shabaab ay soo qaadeen galabta dagaal rogaan celis ah, isagoo xusay in maleeshiyada Al-Shabaab aysan u ba bac dhigi karin awoodda ciidamada ku sugan Bacaadweyne iyo deegaannada kale ee ku xeeran goobihii saaka laga fara maroojiyay Al-Shabaab.
