Kulankan maanta gudiga madax banaan ee xalinta khilaafkii ka dhaxeeyay hogaanka Ururka Suxufiyiinta Qaranka Soomaaliyeed, isla markaana ay soo wakiisheen Warbaahinta dalka ay la qaateen Wasiirka Wasaaradda Warfaafinta, dhaqanka iyo dalxiiska ee xukuumadda Soomaaliya ayaa waxaa looga hadlayay arrimo ay ka mid yihiin warbixin ku saabsan halka ay mareyso howsha guddiga oo ah dhameynta khilaafkan mudada soo jiitamayay iyo helida qorshe dhab ah oo lagu dhisayo hogaan ururka NUSOJ uu yeesho.
Cabdi Maalik Yuusuf Maxamed oo ah milkiilaha Idaacada Shabeele iyo ismaaciil sheekh khaliif oo labaduba ka mid guddiga ayaa sheegay in ujeeddada kulanka maanta uu ahaa in ay uga warbixiyaan waxyaabihii u qabsoomay muddadii ay howshan dhex dhexaadinta ah ku jireen, iyagoo ka codsaday in Warbaahinta Soomaaliya ay howshan ku garab istaagaan.
Related posts
Wasiirka Warfaafinta, Dhaqanka iyo Dalxiiska ee Xukuumada Federaalka Soomaaliya Mudane Maxamed Cabdi Xayir โโMeereeyโโ ayaa sheegay in Wasaarada Warfaafinta iyo ka dowlad ahaanba ay taageerayaan dadaalada Warbaahinta Soomaaliya lagu horumarinayo, maadaamaa dalka hada isbedelo dhinaca horumarka ah uu galayo.
Sidoo kale Mudane Maxamed Cabdi Xayir โMeereeyโ ayaa ka hadlay mowqifka Wasaarada Warfaafinta kaga aadan Ururuka suxufiinta Qaranka Soomaaliyeed ee NUSOJ.
โMowfiqka dowlad ahaan iyo kan Wasaarad ahaan, waxaan cadeynayaa in NUSOJ ay tahay urur saxaafadeed oo madax banaan, kaasi oo ay leeyihiin suxufiyiinta Soomaaliyeed, tan kale guddigan anigu ma soo xulin ee bahda Warbaahinta ayaa iska soo dhex doortay, anaguna waxaan ku leenahay inaan talo ku biirino, iyaguna ay warbixin naga siiyaan halka ay wax u mareysoโ ayuu yiri Wasiirka Warfaafinta.
Gudigan Sagaalka xubnood ka kooban, islamarkaana ay iska soo xuleen warbaahinta dalka ayaa malmihii ugu dambeeyay waday dadaalo ay ku soo afjarayaan muran mudooyinkii ugu dambeeyay ka taagnaa hogaanka ururka suxufiyiinta Qaranka,waxaana maalinta beri ah lagu wadaa in gudigan uu kulan la qaato guud ahaan suxufiyiinta ka howl gala magaalada Muqdisho oo ay hor geyn doonaan waxyaabaha ilaa hadda u qabsoomay iyo qorshahooda xiga.
Sawir Qaade:- Maxamed Cabdullaahi Feereysane
