Wasiirka warfaafinta, dhaqanka iyo dalxiiska ee xukuumadda federaalka Soomaaliya mudane C/raxmaan Cumar Cismaan Eng. Yariisow oo la hadlay Radio Muqdisho ayaa ka tacsiyeeyay qaraxii galabta ka dhacay magaalada Muqdisho gaar ahaan isgoyka Zoobe. Waxaana uu wasiirku sheegay in ay ka xun yihiin dhibaatada Al-shabaab ay ku hayaan shacabka Soomaaliyeed.
Wasiirka ayaa sheegay in dowladdu waddo baaritaan arrintan ku aadan isla markaana la soo sheegi doono tirada rasmiga ah ee qaraxaas ku dhimatay.
Wasiir Yariisow, ayaa ciidanka amniga Soomaaliya ku amaanay sida ay ugu dadaalayaan adkeynta amniga si loo badbaadiyo nafta iyo maalka muwaadiniinta Soomaaliyeed oo cadowgu u soo maleegayo hagar daamada.
