Wasiirka cusub ee Wasaaradda warfaafinta Hidaha iyo Dalxiiska Xukuumadda Soomaaliyeed Mudane Maxamed Cabdi Xayir Maareeye isla markaana ah gudoomiyaha gudigan qaban qaabada xuska 21-ka Fibraayo ayaa maanta ka qeybgalay kulan magaalada Muqdisho ay ku yeesheen guddigga qaban qaabada xuska 21-ka Fibraayo oo ah maalinta Afka Hooyo.
Kulanka gudiga ayaa sidoo kale waxaa ay kaga hadleen soo dhaweynta wufuudda imaanaysa magaalada Muqdisho isla markaana ka qeybgalaya xuska 21 –ka Fibraayo, iyadoo sidoo kale magaalada Muqdisho laga hirgelin doono dhowaan Akadeemiye goboleedka Cilmiga Fanka iyo Suugaanta, waxaana furitaanka Akadeemiyadaasi ka qeybgali doona wufuud ka kala socota dalalka Jabuuti,Ethiopia iyo Kenya.
Guddiggan ayaa waxaa ku jira qaar kamid ah hay’adaha dowladda Soomaaliya iyo wakiilo ka socota warbaahinta Madaxa banaan ee ka jira dalka, waxaana hadda magaalada Muqdisho ka socoda dhaq dhaqaaq u aadan qaban qaabada xuska 21-ka Fibraayo oo maalmo kooban ay inaga xigaan.
Sawir Qaade: Farxaan Saleebaan.
