Wasiirka Wasaaradda Warfaafinta, Dhaqanka iyo Dalxiiska XFS Mudane Cabdifitaax Qaasim Maxamuud ayaa maanta xafiiskiisa ku qaabilay qaar ka mid ah howlwadeennada Wasaaradda oo fursado Waxbarasho sare ah ka helay Dowladda Shiinaha.
Wasiirka ayaa howlwadeennada kula dardaarmay inay si wanaagsan uga faaโiideystaan fursaddan qaran ee loo fidiyay, isla markaana ay dadaal iyo juhdi dheeraad ah ku bixiyaan waxbarashadooda, kobcinta aqoontooda iyo horumarinta xirfadahooda.
Sidoo kale, Wasiirka ayaa ku dhiirrigeliyay in aqoonta, xirfadaha iyo waayo-aragnimada ay ka kororsadaan waxbarashadooda ay dib ugu soo celiyaan dalkooda iyo Wasaaradda, kana qeyb qaataan horumarinta adeegga dowladeed, tayeynta shaqada Wasaaradda iyo guud ahaan horumarka dalka.
Wasiir Cabdifitaax Qaasim ayaa uga mahadceliyay Dowladda Shiinaha taageerada joogtada ah ee ay siiso Soomaaliya iyo fursadaha waxbarasho ee ay u fidiso ardayda iyo shaqaalaha Soomaaliyeed, kuwaas oo door muhiim ah ka qaadanaya tayeynta aqoonta iyo kobcinta awoodda shaqaalaha Soomaaliyeed
Wasiirkaayaa sidoo kale u mahadceliyay Safaaradda Soomaaliya ee Beijing dadaalka iyo kaalinta ay ka qaadatay fududeynta iyo taageeridda fursadaha waxbarasho ee ay helayaan ardayda Soomaaliyeed iyo shaqaalaha dowladda.
