Wasiirka wasaaradda Warfaafinta,Dhaqanka iyo Dalxiiska Maxamed Cabdi Xayir “Maareeye” oo ay wehliyaan agaasimaha Tvga qaranka Soomaaliyeed iyo xariirka warbaahinta Cabdiraxmaan Sheekh Yuusuf “Alcadaalla” iyo agaasimaha Qorsheynta xariirka caalamiga Cabdinasir Xasan Xuseen ayaa kulan safaaradda Turkiga kula qaatay safiirka dowladda Turkiga u fadhiya Soomaaliya olgan Barka.
Mas’uuliyiinta labada dhinac ayaa ka wada hadlayhorumarinta wabaahinta Soomaaliya iyo sidii safaaradda ay u caawin la heyd wasaaradda warfaafinta Soomaaliya.
Wasiirka wasaaradda Warfaafinta,Dhaqanka iyo Dalxiiska xukuumadda Soomaaliya ayaa ugu horeyn u mahadceliyay safaaradda howsha ay ka hayso dalka oo ah mid aad u baxaad leh isla markaana shacabka Soomaaliyeed mahad naq balaaran uga hayaan walaalaha Turkiga taageerada ay siiyeen dalka Soomaaliya.
Olagan Berka danjiraha dowladda Turiga u fadhiyaya Soomaaliya ayaa bogaadiyay howsha ka socada caasimdda Soomaaliya iyo guud ahaan dalkeena,isagoo amaanay shacabka Soomaaliyeed isla markaana la xoojin dooono xiriirka labada dhinac.
Danjiraha ayaa sidoo boqaadiyayhowsha warbaahinta Soomaalida sida ay u tabiyaan horumarka ka jira dalka.
Agaasimaha Tvga qaranka Soomaaliyeed iyo xariirka saxaafadda Cabdiraxmaan Sheekh Yuusuf Alcadaala ayaa sheegay in ay muhiim tahay in Tvga qaranka uu xarun ka furto wadanka Tukiga si uu kaga shaqeeyo xariirka dowladdaha Turkiga iyo Soomaaliya,isla markaana dalkaasi ay ku sugan yihiin ardey badan oo Soomaali ah kuwaas oo u baahan meel ay kala hadlaan umadda Soomaaliyeed safiirka ayaana talaabadaasi ku tilmaayay mid wanaagsan sida ugu dhaqsiyaha badana ay safaaradda ay ka shaqayn doonto.
Kulankani ayaa waxaa uu dabajoogaa kulan uu horey ay mas’uuliyiinta wasaaradda warfafinta ay la qaateen safiirka Turkiga kaas oo looga hadlayay horumarinta warbaahinta Soomaaliyeed.
