Wasiirka Wasaaradda Gaadiidka iyo Duulista Hawada Xukumadda Federalka Soomaliya, Xildhibaan Fardowso Cisman Cigal, oo Maal mahan Safar shaqo ku joogtay Dalka Malaysia ayaa kulan gaara la qadatay Ra’iisulwasaaraha Dalka Malaysia, Yab Dato’ seri Anwar iyo wasiirka Arimaha Dibadda ee Dalka Malaysia Zambry Abdul Kadir.
Wasiir Fardowso, ayaa madaxda Malaysia salaan ka Gaarsiisay Madaxwaynaha Jamhuuriyadda Federalka Soomaliyaa mudane Xasan Sheekh Maxamuud, iyo Guud ahaan Shacabka Somaliyeed.
Wasiirka Wasaaradda Gaadiidka iyo Duulista Hawada Xukumadda Federalka Soomaliya, ayaa uga mahad celisay Ra’iisulwasaaraha Malaysia, sida ay shacabka Soomaaliyeed uga saacideen dhanka Waxbarashada muddadii Bur-burku dalkeena ku jiray.
Kulankan ayaa waxa sidoo kale looga wada hadlay sidii labadda dal isaga kaashan lahaayeen dhinacyada horumarinta iyo arrimaha hor tebinta u leh labadda dal.
