Wasaaradda Arrimaha Diinta iyo Awqaafta ayaa maanta kulan u qabatay Imaamyada Masaajidda ee magaalada Muqdisho.
Kulanka waxaa ka qeybgalay wasiirka wasaarada Arrimaha Diinta iyo Awaqaafta, xoghayaha joogatada ah ee wasaaraddaasi iyo agaasimaha waaxda Diinta iyo ku dhaqqanka sharaceeda islaamka, iyadoo looga hadlay la dagaallanka argagaxisada iyo dhaqan xumada oo waayadan ku soo badanaysay dalka.
Related posts
Xoghayaha joogtada ah ee wasaaradaasi Sheekh Maxamed Qeyroow Aadan ayaa sheegay in wasaaraddu aysan ogolaan doonin meelaha lagu iibiyo wax yaabahan maanka dooriye oo dhaqan xumada sababa, isagoo xusay in arrintaasi loo kaashandoono laamaha amaanka.
“Wasaaraddu waxay uga digeysaa mujtamaca Soomaaliyeed isticmaalka wax yaabaha maanka dooriya laamaha amaanka ayaana ka hortagidoona arrintaasi waxaana loo baahanyahay in laga suuliyo munkarka bulshada Soomaaliyeed waana ka wacyi galinaynaa mar warbo” ayuu yiri SHeekh Maxamed Kheyroow
Wasiirka wasaaraddaasi Cabdulaahi Cali ayaa tilmaamay in dadka Soomaaliyeed ay yihin boqolkiiba boqol dad islaam ah loona baahanayahay in layska kaashado waxii ummadda lagu bad baadinkaro ย isagoo tibaaxay in wasaaraddu ay kaalin waangsan ka qaadaneyso.
“Dadkaan laynaayo dadka aan waxba galabsan haddane sheeganaayo islaam iyo dhaqamadaan xun xun dhamaan waxyaabahan jira waa wax dhalan rog ah sidaan uga hortagi laheyn loo baahanyahay in laga fikiro ” Sidaasi waxaa yiri wasiirka wasaaradda Arrimaha Diinta iyo Awqaafta xukuumadda F. Soomaaliya.
