Wasiirka Wasaaradda Awqaafta & Arrimaha Diinta Soomaaliya Xildhibaan: Sheekh Nuur Maxamed Xassan ayaa Maanta oo ay taariikhdu tahay 23/12/2018 kuna beegan 16/04/1440 Hijriyada, waxaa dalka sacuudiga ugu bilawday booqasho rasmi ah oo uu maalmo kujoogi doono.
Wasiirka iyo wafdigiisa waxaa sidiirran u qaabilay Wasiirka Xajka & Cumrada Sacuudiga Dr. Maxamed Salalax Bin Dahir Bintin, iyo Wasiirka ku xigeenka Wasaaradda Xajka & Cumrada Dr. Cabdilfataax Mashaad,
Masuuliyiintan ayaa yeeyashay kulan saacado qaatay soodhawyn kadib , Kulanka labada wasiir oo ahaa kulan aad muhiim ugu ah Soomaaliya ayaa waxaa looga wada hadlay Arrimaha Xajka.
Wafdiaga ka socday Soomaaliya ayaa laga dhageystay warbixino ku saabsan arrimaha xajka Soomaalida sanadkii hore sida ay ahayd, waxyaabaha ka dhinnaa, & faaiidooyinka lagaaray.
Wasaaradda Awqaafta & Arrimaha Diinta waxey ugudbisay Wasaaradda Xajka Sacuudiga arrimaha xajka ee la rabo in ay helaan xujayda Soomaaliyeed
Dowladaha Somaaliya iyo Boqortooyada Sacuudiga ayaa kuhishiiyay qodobo badan oo dhamaantood quseeya waxaa kamid ah in la kordhiyo tirada dadka Soomaaliyed ee sanadka soocoda gudandoona waajibaadka Xajka.
Tirada dadka soomaaliyeed ee sanadka soo socda xajin doona waxaa lagu daray 2,200 qof taas oo ka dhigan in tirada xujaajta Soomaalida sanadkan noqonayaan 11,500 halka sanadkii hore 9,300 oo qof oo Soomaali ah ay xajiyeen
Wasiirka Wasaaradda Awqaafta & Arrimaha Diinta Soomaaliya Xildhibaan: Sheekh Nuur Maxamed Xassan oo kusugan Dalka Sacuudiga ayaa sheegay in Xujaayda Soomaaliyeed loo ogolaado in Mina la giliyo
Dowladaha Soomaaliya iyo Sacuudiga ayaa islagartay in aad loo wanaajiyo adeegyada lasiiyo Soomaalida, haddey ahaan lahayd, deegaannada gaadiidka iyo cunnada.
Wasiirka waxaa kaloo uu sheegay in lagu ballamay in la dadajiyo soo saarista viisayaasha xajka iyo adeegyada kale ee xajka ee ay u baahanyihiin umadda Soomaaliyeed.
Wasiirka Wasaaradda Awqaafta & Arrimaha Diinta Soomaaliya Xildhibaan: Sheekh Nuur Maxamed Xassan ayaa la filayaa inta uu joogo Sacuudi arabia in uu lakulmi doono Mu’asasada carabta u qaabilsan adeegyada xujayda Soomaalida iyo dhamaan hay’addaha kale ee ay quseeyso Howlaha Xaj gudashada , si umadda Soomaaliyeed loogu Fududeeyo Dhamaan adeegyada ay u baahanyihiin xiliga ay gudanayaan Waajibaadka Xajka.
