Munaasabadaan oo lagu furayay Madarasada Baxru Nuur ee deegaanka bali-Howld oo hoostaga Degmada Guriceel waxaa kasoo Qaybgalay Wasiirka Waxbarashada Galmudug, Maamulka Degmada Guriceel ee Gobolka Galgaduud, maamulka Madarasada, waridiin iyo dadka deegaanka.
Waxgaradka iyo Dhalinyarada deegaanka Balihowd ayaa ka mahadceliyay furitaanka iskuulkaan iyagoo sheegay in lagu soo aadiyay waqti ay u baahnayeen.
Shiiq Cabdirisaaq Maxamed Cali Mire Al-ashcari Agaasimaha guud ee Madarasada Baxru-nuur oo ka hadlay xaflada lagu furayay madarasadaan ayaa sheegay in Dugsiga Hoose iyo Dhexe ee baxru-nuur oo ka howlgala deegaano farabadan oo ka tirsan Gobolka Galgaduud ay uga Gol-leeyihiin sidii Carurta ku nool deeganada ka fog Magaalooyinka loo gaarsiin lahaa adeeg waxbarasho.
Wasiirka Waxbarashada Galmudug Mudane Ahmed Deeq oo dhankiisa ka hadlay xaflada ayaa Sheegay inay bogaadinayaan dadaalada waxbarashada lagu gaarsiinayo dadka ku nool tuulooyinka ka fog magaalooyinka Galmudug.
Mu’asasada baxru-nuur ayaa horay looga hirglayay deegaanada tuulo-caano, Balicad, goodwiil, iyo dagmooyinka Guriceel, Cadaado iyo dhuusmareeb oo ka tirsan gobolka Galgaduud taas oo Dhalinyarada Deeganadaas ay ku heleen adeeg waxbarasho.
