Kulankan oo ahaa isxog waraysi ayaa waxgaradkii kulanka ka soo qaybgalay Wasiirka Waxbarashada Koonfur Galbeed uga warbixiyeen xaaladooda nololeed ee ay ku qabaan deegaannada Puntland ,Codsi gaar ah oo ku aadan ka qayb qaadashada hannaanka dimoqraadiyada Puntland iyo helitaanka matalaad, iyaga u gaar ah u dirsaday Madaxwaynaha Puntland Dr Siciid Cabdulaahi Dani.
Waxgaradka iyo odayaasha ka soo jeeda Koonfur 3galbeed ayaa madaxda Puntland xasuusiyay inay yihiin Bulsho 20 sano ka badan daganayd deegaannada Puntland, waxbadana ku soo kordhiyay ayna u baahan yihiin maanta inay helaan cid si gaar ah u matasha.
Related posts
Wassiirka Waxbarashada Koonfur Galbeed mudane Maxamud Yuusuf Xuseen Waliid oo la hadlayay waxgaradka ayaa dhankiisa ka mahadceliyay qaban qaabada kulanka, xusayna in ay ka shaqayn doonaan ishkaashiga labada bulsho si loo helo is faham dhinacyo badan ah.
Wasiirka ayaa kula dardaarmay waxgaradka iyo odayaasha reer Koonfur Galbeed inay ka shaqeeyaan horumarka iyo Nabadgalyada deegaanka ay ku nool yihiin, ayna sameeyaan is dhexgal bulsho.
