Wasiirka Waxbarashada ee Xukuumadda Soomaaliya Mudane Cabdullaahi Goodax Barre ayaa sheegay in Safaaradda Soomaaliya ee Imaaraatka Carabta ay waddo diyaarinta sidii Meydka Marxuun Wasiir Cabdi Xoosh loo geyn lahaa Xamar, isla markaana ay u dhameystiri lahayd sharuucda loo baahanyahay.
Wasiirka oo ku sugan dalka Isu-tagga Imaaraadka Carabta isla markaana la hadlayay Radio Muqdisho ayaa sheegay in qaban qaabada aaska Qaran ee loo sameynayo Allaha u naxariistee Marxuum Cabdiraxmaan Xoosh Jabriil Wasiirkii Dastuurka ay ka socoto Xamar, dhankooduna ay qorsheynayaan in subaxa Axadda laga soo dejiyo magaalada Muqdisho, si halkan aas Qaran loogu sameeyo.
Wasiirka Goodax ayaa xusay in Wasiir Xoosh Allaha u naxariistee uu ahaa shaqsi ay si aad ah isugu dhawaayeen xagga siyaasadda, isla markaana ay ka go’neyd ka mira dhalinta hadafkiisa ahaa in la dhameystiro qabyo qoraalka Dastuurka oo hadda wax badan laga qabtay.
Halkan ka dhageyso Wareysiga Wasiirka Waxbarashada oo dhameystiran
