Wasiirka Waxbarashada iyo Tacliinta sare ee Soomaaliya Marwo Khadro Bashiir Cali ayaa magaalada Muqdisho kula kulntay Safiirka Imaaradka u fadhiya Soomaaliya Amb.Mohammed Ahmed Othman Al Hammadi waxayna ka wada hadleen arrimo ku saabsan dhinacyada kala duwan oo Imaaraad uu ka caawiyo Soomaaliya.
Kulanka oo ka dhacay xarunta Safaaradda Imaaraadka ee magaalada Muqdisho ayaa Wasiirka waxbarashada waxaa ay ugu mahadcelisay dowladda Imaaraadka Carabta taageerada ay siiso Soomaaliya gaar ahaan dhinacyada horumarinta iyo xaaladaha Insaaniyadda ee Soomaaliya.
Morwo Khadra Bashiir Cali, Wasiirka Waxbarashada iyo Tacliinta sare ayaa dowladda Imaaraaddka Carab ka codsatay in ay sii labo laabaan taageerada waxbarashada isla markaana ay dib u dhis ku sameeyaan Dugisyada iyo xarumaha kale ee waxbarashada guud ahaan dalka oo dhan.
Amb. Al Hammadi ayaa Wasiirka la wadaagay mahadcelin uu u jeedinaayo Ra’iisul wasaaraha Soomaaliya dadaalkiisa u aadan adkeynta xiriirka labada dalka gaar ahaan arrimaha quseeya waxbarashada.
