Wasiirka Wasaaradda Waxbarashada Hiddaha iyo Tacliinta Sare ee Xukuumadda Faderaalka Soomaaliya mudane Cabdullaahi Goodax Barre, oo uu wehliyo Wasiiru Dowlaha Wasaaradda Waxbarashada mudane Cabdiraxmaan Maxamuud Cabdulle Jaabiri, ayaa maanta kormeer ku tagay xarunta horumarinta Manhajka Waxbarashada Qaranka oo howlwadeenno badan ay ku suganyihiin, si ay u dhameystiraan Manhajka Waxbarashada Qaranka ee Dugsiga Sare oo si toos ah ugu xiran Manhajka Dugsige Hoose iyo Dhexe ee dhawaan Wasaaradda Waxbarashada ay ka hirgelisay dugsiyada dalka.
Manhajka Dugsiga Sare ayaa laga hirgelin doonaa dalka sannad dugsiyeedka soo socda ee 2020/2021.
Wasiirka Waxbarashada Soomaaliya ayaa bogaadiyay, isla markaana mahadcelin u diray dhammaan bahda ku howlan diyaarinta Manhajka oo ay baahi badan u qabaan bulshada Soomaaliyeed.
