wasiirka Waxbarashada maamulka Puntland Dr’Cali Xaaji
Warsame ayaa soo indha indheeyay goobaha ay ku dhaceen weeraradii bambaanooyin ahaa ee idaacadda Radio Gaalkacyo lagu soo weeraray muddo saddex Usbuuc gudahood ah, waxaana Wasiirku indhihiisa ku soo arkay qeybaha bambaanooyinku ku dhaceen iyo khasaarihii ka dhashay.
Wasiirka Waxbarashada Puntland Dr’Cali Xaaji Warsame ayaa warbixin ku saabsan dhibaatada idaacadda ka soo gaartay ka dhagaystay Agaasimaha Radio gaalkacyo Cawil Maxamuud Cabdi.
Agaasimaha ayaa sheegay in weerarkii hore ee bambaanooyinka lagu soo tuuray uu dhaliyay in waxyeello gaarto qaar ka mid ah shaqaalaha idaacadda oo xiligaa waday shaqo sida Tifaftire shine Cabdi Axmad iyo Wariye Cabdullaahi Maxamuud Aadan oo labaduba ay ku dhaawacmeen werarkii hore ee dhacay habeenkii koowaad ee sanadkaan, “weerarkii dambe ayaa dhacay16’kii janaayo ee sanadkan cusub kaas oon gaysan Khasaaro nafeed balse uu qalabka waxyeello u gaystay” ayuu yiri Agaaasimaha Radio gaalkacyo.
Wasiirka ayaa uga tacsiyadeeyay dhaman shaqaalaha idaacadda Radio Gaalkacyo weerarada sedexda jeer lagu soo qaaday, isagoo ku dhiiri galiyay in ay shaqadooda wataan.
Dhinaca kale Wasiirka Waxbarashada maamulka Puntland ayaa sheegay in tallabo laga qaadi doono dhagar qabayaashii ka dambeysal falka idaacadda lagu soo weeraray muddo sedex Usbuuc Gudahood ah iyo. kuwii garabka ku siiyay.
