Wasiirka Wasaaradda Waxbarashada iyo Tacliinta sare ee Xukuumadda Federaalka Soomaaliya Mudane Faarax Sheekh Cabdulqaadir ayaa kulamo kala Duwan laqaatay Hey’adaha waxbarashada iyo Madax ka tirsan Dowladda Hindiya.
Wasiirka oo ay wehlinayaan Safiirka Safaaradda Soomaaliya dalka Hindiya Mudane Axmed Cali Daahir iyo Qunsulka ahna Ku-xigeenka Safiirka Mudane Cabdifataax Cabdullaahi Nuur ayaa kulan gaar ah laqaatay Dr. Pradeep Rajpurohit. Xoghayaha Guud (Galbeed Aasiya, Waqooyiga & Bariga Afrika), ee Wasaaradda Arrimaha Dibadda, Dowladda Hindiya.
Related posts
Kulanka ayaa looga wada hadlay sidii looga wada shaqeyn lahaa kor u qaadidda xiriirka labada dal iyo iskaashi dhinacyo badan ah.
Dhanka kale Wasiirka ayaa kulan laqataay Indian Council for Cultural Relations (ICCR) oo ah Heyโadda u qaabilsan Deeqaha Waxbarashada ee caalamka dowladda Hindiya siiso.
Soomaaliya waxa ay ka midtahay dalalka ka faaโiideysta Deeqaha kala duwan ee Waxbarashada dalkan Hindiya.
Wasiirka Waxbarashada iyo Tacliinta sare ee Soomaaliya ayaa kala hadlay sidii loogu kordhin lahaa qoondada Soomaaliya iyo in labada dowladood ay iska kaashadaan hubinta deeqahaas Waxbarasho iyo in sidii loogu talagalay looga faa’iideysto.
Sidoo kale Wasiirka ayaa Kulan laqaatay Indian institute of techbology Delhi (IIT)ย oo uu kala hadlay sidii ay Soomaaliya uga caawin lahayeen xirfadaha kala duwan oo uu dalkeena aad ugu baahan yahay sidoo kaleย tignoolajiyadda iyo seyniska casriga ah in ay bartaan ardayda Soomaaliyeed ayna helaan tababaro ku filan xiliga waxbarashada.
Dalka Hindiya waxaa uu ka mid yahay dalalka ugu badan ee ay dadka Soomaaliyeed u soo doontaan adeegyada kala duwan sida Waxbarashada, Caafimaadka iyo ganacsiga guud.
