Wasiirka xanaaanada xoolaha dhirta iyo daaqa ee xukuumadda Federaalka Soomaaliya mudane Saciid Xuseen Ciid oo maalmihii la soo dhaafay howlo shaqo u joogay magaalada Garoowe ayaa galabta soo gaaray magaalada Muqdisho.
Garoonka diyaaradaha ee Aadan Cadde ayaa waxaa ku soo dhaweeyay Xildhibaan C/risaaq Maxamed Warsame iyo Qaar ka mid ah agaasimayaasha Waaxaha wasaaradda xanaanada xoolaha Soomaliya.
Wasiirka Xanaanada Xoolaha Dhirta iyo Daaqa Mudane Saciid Xuseen Ciid ayaa intii uu ku sugnaa Puntland waxa uu kulamo looga hadalyay dardar galinta wada shaqeynta iyo iskaasshiga ka dhaxeya wasaaradda iyo maamulka Puntland uu la yeeshay xubno ka tirsan maamulkaasi .
Wasiirka xanaanada xoolaha dhirta iyo daaqa ee xukuumadda Soomaaliya mudane Saciid Xuseen Ciid oo warbaahinta Qaranka la hadlay ayaa tilmaamay kulamadaasi in ay ku soo dhamaadeen guul.
